Ginkumpirma it Commission on Elections nga padayon pa ro konstruksyon it andang bag-ong office building sa Pasay City.
Suno sa poll body, target it komisyon nga matapos ro pag-ubra kara hasta sa 2028.
Ginhimo ni Comelec chairperson George Erwin Garcia ro kumpirmasyon kadungan it ginpatigayon nga groundbreaking ceremony.
Nagabalor it masubra P8.2 billion ro mismong project nga ginaeauman nga matapos sa sueod it tatlo hasta ap-at nga dag-on.
Paathag ni Garcia, pilang dekada ro andang ginhueat agod madayon ro pagtukod it bag-ong building it komisyon.
Simbolo man sigon raya it handom it Comelec nga maging independent constitutional body agod mapamatud-an kara ro pag-angkon it dungog ag dignidad.
Target man nga matapos ro foundation it mismong building sa sueod eamang it lima hasta an-om nga buean ag paga umpisahan ro konstruksyon it mismong building sa masunod nga dag-on.
Sa makaron, ro Comelec hay nagarenta eamang sa nagakaeain eain nga building ag floor sa Palacio del Gobernador sa Intramuros, Manila.
