KALIBO, Aklan—Gina-welcome it Bayan Muna ro findings it Senate Committee of the Whole kung sa siin gina-rekomenda ro pag-file it criminal charges kontra kanday Health Secretary Francisco Duque III ag resigned Philhealth Chief Ricardo Morales ag iba pang Philhealth officials.
Suno kay Bayan Muna Representative Carlos Isagani Zarate, sanda man sigon ro nagfile it counterpart resolution kung siin presente eon rayang gina-imbestigahan it senado.
Nagapati man imaw nga maeapnagon ro naging kurapsyon sa ahensya.
Suno kana, dapat mapundo ag mabungkag eon ro nagakatabo nga kurapsyon kamana man ro naga-iral nga Philhealth mafia.
Indi sigon pwedeng maghugas it alima sanday Duque ag Morales.
Kinahang-ean nga atubangon nanda ro kaso.
Nagaeauman man si Representative Zarate nga bangud kara hay mapukaw ro igtueopangod it Department of Justice (DOJ) ag Office of the Ombudsman ag may mapasakaan it kaso.
Nagakadapat suno kana nga magpanaog eon sa pwesto si Health Sec. Duque bangud sa pilang ginapahayag nga kapalpakan ag kapabayaan sa pagdumaea kara angot sa pagsukoe it nasyon kontra sa COVID-19.
