Kalibo, Aklan-Nakaangkon it kasamaran ro ceres bus matapos nga sumunggab sa wing van sa national highway nga sakop it Barangay Feliciano, Balete.
Angot kara, kapin sa 14 ka mga pasahero ro nakaangkon it minor injuries kasunod it mabaskog nga impact it ceres bus nga ginamaneho ni Roberto Llarvez, 41-anyos ag residente it banwa it Batan.
Sa inisyal nga imbestigasyon it Balete Municipal Police Station, ginapahayag nga una sa parehong direksyon ro behikulo kon sa siin samtang nakaparking ro wing van nga ginamaneho ni Marvin Maog, 38-anyos ag residente it Calapan City, Oriental Mindoro hay gulpi eamang raya nga sinunggaban it ceres bus.
Ginpahayag dugang nga madasig ro daeagan it ceres bus kat natabo ro aksidente nga padayon pang ginaimbestigahan it pulisya.
