KALIBO, Aklan — Magiging masadya ro tanan sa uman nga pagbukas sa mga turista sa Isla it Boracay sa Oktubre 26.
Sa interview it Bombo Radyo Kalibo, ginpahayag ni Caticlan jetty port administrator Nieven Maquirang nga pagapun-on nanda it mga dekorasyong pang-Paskwa ro pantalan agud nga ipabatyag sa tanan ro kasadya sa pagbukas it isla ag nagahilapit nga selebrasyon it Paskwa.
Naga-eaum si Maquirang nga sa pagbukas it Boracay hay magiging maayos ro tanan ag kunta ro mga negosyante ag residente hay may natun-an nga mga importanteng leksyon sa natabu sa Boracay closure.
Sa pihak nga parte, sa reopening it Isla, positibo si Maquirang nga pagapasugtan it Boracay Inter-Agency Task Force ro andang proposisyon nga mag-angkon it separar nga daean ro mga turista ag residente sa mga trabahador nga magasueod sa Boracay agud nga malikawan ro congestion.
