KALIBO, Aklan — Haeos daywang domingo antes ro panibag-o nga Career Service Examination-Pen and Paper Test hay nagpadumdum ro Civil Service Commission (CSC Aklan) para sa kapin saย 3,000 nga indibidwal nga magabo-oe it eksaminasyon sa probinsiya sa maabot nga Agosto 11.
Suno kay Leo Jamorin, Director II ย itย CSC Aklan majority sa mga raya hay halin sa Aklan samtang ro iba hay halinย sa kaiping nga mga probinsiya.
Limang eskwelahan sa banwa it Kalibo ro andang gingamit nga testing venue ukon school assignment it examinees nga ginaeakipan it Kalibo Pilot Elementary School, Kalibo Elementary School, Kalibo Integrated Special Education center (KISEC),ย Aklan National High School for Arts and Trade ag New Buswang Elementary School.
Nagpaskil eon suno kana ro CSC Regional Office 6 it Online Notice of School Assignment rason nga gin-abisuhan nana ro mga examinees nga mas mayad kon magbisita it mas temprano agud nga maging pamilyar sa direksyon ag travel time.
Gina-ayos eon man sigon ro pilang technical difficulties nga naeksperyensiyahan it pilang mga examinees eabi eon sa professional levelย sa pag-access sa andangย Online Notice of School Assignment.
Sa adlaw it eksaminasyon,ย ginlaygay ni Director Jamorin nga temprano nga mag-agto sa mga testing venue ro examinee bangud nga magasarado it 7:45 am ro mga testing venue ag indi eon pagapasudlon ro mga ma-โlateโ.
Kinahangeanย man nga magdaea itย valid ID ag black pen.
Magsuksok itย proper attire kapareho it plain white shirts.
Bawae ro sleeveless shirt/blouse, shorts/short pants, tokong pants, ripped jeans, ag naka-tsinelas.
Ginabawae ro pagdaea it cellphone, camera ukon anumang gadget nga pwedeng magamit pang-record it exam kamana man ro mga calculator ag test booklets nga pwedeng gamiton nga kodigo it examinee.
Matapos ro exam sa Agosto 11, ginpasiguro it CSC nga maipaguwa eagi ro resulta sa andang website ย sa mas madali nga tiempo.
