Gindesisyunan it Sangguniang Bayan it Kalibo nga makaangkon it extension sa gintaeana nga deadline nga pebrero 20 sa nagapadayun makaron nga renewal it tricycle franchise sa banwa it Kalibo .
Suno kay SB member Matt Aaron Guzman , Chairman it Committee on Transportation nga raya hay kasunod it andang ginpatuman nga cleansing sa andang record sa mga rehistradong tricycle units nga may franchise .
Tuyo kara nga ro makapanipueos sa gina-isyu nga franchise hay mga taga-banwa it kalibo mismo .
Raya hay matapos nga ro franchise it kalibo hay naging provincewide eon ag naka-abot pa hasta sa probinsiya it capiz.
Nasayuran nga kasunod it ginpatuman nga one-franchise-one-holder, naging hugut man ro mga ginapangayo nga requirements makaron .
Kon indi sigon maka-kompleto it requirements hay indi man ma-isyuhan ukon pwedeng mabawi ro franchise .
Masakit sigon nga isipon nga may pilang indibidwal nga nagakita it mabahoe sa pagbaligya it franchise nga naga-abot sa 100,000 hasta 170,000 pesos, kun sa siin, makabig nga ro prebilihiyo nga gintau kanda it munisipyo hay andang gin-abuso .
Samtang, gindugang pa ni SB Member Guzman nga maabu sanda nga pagabag-uhon sa traffic code nga nabaeay kato pang 2005.
