Gina-imbestigahan sa makaron it Department of Education (DepEd) ro mga report nga may taeapnan it COVID-19 sa pilang estudyante sa nasyon.
Ginpahayag ni DepEd spokesperson Atty. Michael Poa, nagapakig-angot eon sanda sa mga Regional Field Operations para bue-on ro mga data ngara.
Ginklaro man kara ro espekulasyon nga maabong mga pamatan-on ro natapnan it virus umpisa nga nagbukas ro klase ko Agosto 22.
Owa man sigon it major surge it taeapnan sa mga pamatan-on bangud insigida man nga nagapatigayon it intervention ro mga local health representatives ag ro taeatapan.
Bangud kara, padayon ro apela it DepEd sa mga ginikanan nga pabakunahan eon ro andang mga onga para maka-angkon it depensa kontra sa virus.
Nagpamalibad man ro Department of Education nga tumuron ro mga lugar nga naka-angkon it taeapnan it COVID-19 sa mga estudyante.
