KALIBO, Aklan — Gin-umpisahan eon it Department of Health (DOH)-6 pagpanupod it mga inodoro sa isla it Boracay.
Suno kay Babylyn Frondoza, sanitary inspector it LGU-Malay nga target sigon it DOH nga mapatindugan it maayos nga kasilyas ro 192 nga kabaeayan sa mga barangay it Yapak, Balabag ag Manocmanoc.
Mabahoe nga problema sigon sa ikaayong eawas it mga residente ro kawad-an it kasilyas sa mga baeay.
Sa ginpatigayong 2nd Coordination Meeting on DOH Boracay Rehabilitation Plan, kapin sa P5 million ro ponding gintaeana it ahensiya sa proyektong pagpatindog it mga kasilyas sa natumod nga mga recipient sa tatlong barangay.
Raya hay base sigon sa Zero Open Defication Program it DOH.
Ginaeaumang magatapos ro proyekto antes ro uman nga pagbukas it Boracay sa Oktubre.
Sa pihak nga parte, nagtaeana man it kapin sa P1.9 million ro DOH para sa equipment ag laboratory supplies nga pagagamiton sa pag-monitor it kalidad nga tubig sa nasambitang isla.
