KALIBO, Aklan—Nagtau it pilang tips ro Department of Health ukon DOH-Aklan sa publiko agud nga mapabilin nga healthy , eowas ag securte ro selebrasyon it holiday season.
Suno kay Yjhyl dela Cruz , nurse 1 it Aklan Provincial Health Office nga ro Ligtas Christmas campaign it DOH hay nakatutok sa tatlong nagapangunang components.
Raya hay ginaeakipan it Biyahealthy ngayon Pasko ukon eowas nga pagbiyahe, Healthy handaan ang salu-salo ng pamilya ukon healthy nga kaean-an ag Iwas paputok para kumpleto at ligtas ukon likawan ro mga paeupok.
Ginpahayag ni dela cruz nga tuyo it kampanya nga mas pang mapabaskog ro kasayuran angot sa ikamayad nga eawas ag ma-promote ro pagtapna sa mga sakit pinaagi sa healthy lifestyle.
Ginpadumdum man nana nga mag-eowas sa pag-check sa mga saeakyan ag pagsuksok it mga protective gear antes nga magbiyahe hay likawan man ro paggamit it mobile devices ag iba pang gadgets nga makatuga it distractions sa pagbiyahe.
Sa pihak nga parte, gin engganyo man nana ro publiko nga imbes nga maggamit it paeupok, magtan-aw eon lang sa mga community firework displays sa natungdan nga lugar.
Kamana man nga maggamit it mga alternatibong pampasangag kapareho it “torotot”, drums, kaldero ag iba pang gamit.
Samtang, sa idaeum it “Healthy Handaan”, ginalaygayan kara ro publiko nga ipabilin ro healthy eating habits ukon sangkiri ag katamtaman eang ro kaunon maskin nga maabu ro maka-ilibog nga handa makaron nga holiday season.
Mag-inom it abu nga tubi ag limitahan ro mga matam-is nga ilimnon ag aeak.
