-- ADVERTISEMENT --
Gin-anunsiyo it Department of Health (DOH) nga posible eon man nga magpabakuna it ikaywang booster dose ro mga health worker ag senior citizens sa nasyon.
Ginpahayag ni DOH Undersecretary Myrna Cabotaje nga matapos ro maid-id nga pagtan-aw ag konsiderasyon sa mga available evidence, insigidas nga gin-umpisahan ro pagrolyo it ikaywang booster para sa mga frontline health care workers ag senior citizens.
Ro mga aprubadong bakuna nga pagagamiton para sa ikaap-at nga dose kontra sa virus hay ro Pfizer vaccine ag Moderna.
Dugang pa it DOH, igatao ro ikaywang booster dose ap-at nga buean makataliwan nga makaangkon it unang booster dose.
