Gintaeakay sa pagpadayon it ika-10 nga emergency special session it United Nation General Assembly ro draft resolution it state of Palestine nga nagademand sa Israel nga tapuson ro pag-akupa kara sa mismong Palestine territory sa sueod it 12 buean.
Raya hay sa tunga it isyu sa mga aksiyon it Israel sa occupied East Jerusalem ag nabilin nga okupadong teritoryo it Palestine. Ginpakilaea ni Riyad Mansour, ro permanent observer it State of Palestine to the United Nations ro mismong draft resolution.
Dikara, gin-ingganyo nana ro General Assembly nga gin-uphold ro mandato kara kadungan it pagkundina it ICC it mandato kara sa pamaagi it patas nga pagkilaea sa mga legal consequence sa mga aksiyon it Israel.
Nagapanawagan man raya para sa pagtukod it sangka independent ag sovereign state of Palestine sa 1967 borders kung siin ro East jerusalem ro capital kara.
Ginasaligan nga magaboto ro General Assembly makarong Miyerkules sa mismong draft resolution nga inisponsoran man it masubra sa 2 dosenang mga nasyon.
