KALIBO, Aklan—Ginahueat pa makaron it Department of Social Welfare and Development ukon DSWD region VI ro master list nga igasumiter it mga local government units nga nakasueod sa left outs nga kwalipikado nga makabaton it cash assistance sa idaeom it Social Amelioration Program ukon SAP it gobyerno.
Suno kay May Castillo, tagapaghambae it DSWD region VI nga nagpaguwa ro central office it Memorandum circular No. 14 kaangot sa dugang nga benepisyaryo it nasambit nga programa.
Raya hay kaparte it dugang nga 5 milyon families sa bilog nga nasyon kon sa siin nagpaguwa it dugang nga guidelines ro ahensya.
Ginklaro ni Castillo nga raya hay bukon it kaparte it second tranche it bulig-pinansyal it gobyerno sa mga kubos nga pamilya nga eubus nga naapektuhan it Covid-19 pandemic.
Ro kwalipikado sa nasambit nga ayuda base sa ginpaguwa nga guidelines it ahensya hay ro senior citizen nga may pension P6,000 pesos panaba; barangay nutrition scholar ukon BNS ag health workers nga honorarium eamang ro ginabaton ag ro mga bukon it miyembro it 4P’s ukon uwa eon sa roster it andang ginikanan partikular ro may mga kaugalingon eon nga pamilya.
