-- ADVERTISEMENT --
Plano makaron it Department of Trade and Industry (DTI) nga amyendahan ro Republic Act 8293 ukon ro Intellectual Property (IP) Code of the Philippines.
Ginpahayag ni Trade Secretary Alfredo Pascual nga anang igarekomenda kay Pangueong Ferdinand Marcos Jr ro pilang mga pagbag-o para maging hugot nga maipatuman ro Intellectual Property Law.
Dugang pa kara nga maskin may unang laye sa nasyon hay importanteng makaangkon it pagbag-o para kapin pang mapabaskog ro pagpatuman it laye.
Tuyo kara nga mataw-an it proteksyon ro tag-iya it intellectual property kontra sa mga pamirata ag pameke.
