NATIONAL News — Magapatuman it dugang ag bawas sa presyo it mga produktong petrolyo ro mga kompanya it langis sa nasyon epektibo hin-aga nga adlaw it Martes.
Sa abiso it mga kompanya it langis sa nasyon nga ginpangunahan it Pilipinas Shell, Petron Corporation, Seaoil, PTT Philippines, Total Philippines, Unioil, Petro Gazz ag Phoenix Petroleum, magapatuman sanda it dagdag-presyo nga P0.10 sa kada litro it gasolina samtang bawas presyo man nga P0.40 sa kada litro it diesel ag P0.70 man sa kada litro it kerosene nga magiging epektibo alas-6 hin-aga it agahon.
May dagdag-bawas man sa presyo it mga produktong petrolyo sa kapareho nga kantidad ro kompanyang Caltex (CPI) ag CleanFuel nga igapatuman alas-12:01 hin-aga it aga-aga.
Ro igapatuman nga dagdag-bawas sa presyo it mga produktong petrolyo hay tuga it padayun nga paghueag it presyuhan kara sa pangkalibutanon nga merkado.
