Pagaeauman eon it mga motorista ro panibag-ong oil price increase makaron nga domingo bangud sa geopolitical conflicts, kun sa siin ginaboeobanta it industry players ro haeos P2 nga dugang nga presyo sa kada litro.
Sa abiso ko weekend, ginpahayag it sangka kompaniya it langis nga uman nga magasaka ro presyo it langis umpisa sa Hunyo 25 hasta sa Hulyo 1.
Posible sigon nga magtaas ro presyo kada litro it diesel it P1.70 hasta P1.90.
Samtang, naka-abang man nga magsaka ro presyo it gasolina it P1.10 hasta P1.30 kada litro.
Base man sa pagtantiya it Department of Energy (DOE), posibleng magtaas ro gasoline prices it P0.85 hasta sa P1.15 kada litro.
Nakataeana nga magtaas ro presyo kada litro it diesel ag kerosene sa katung-anan it P1.55 hasta P1.85, ag P1 hasta P1.10.
Ko nagtaliwan nga domingo, nagtaas it presyo ro oil companies it hasta P1.90 kada litro.
