SPORTS News– Nakataeanang magpirma si 2020-2021 NBA Sixth Man of the Year Jordan Clarkson sa anang contract extension nga nagabalor it $55Million ukon katumbas it P3,063,747,000.
Ro extension hay gaabot sa tatlong dag-on, nga ginakaeakipan it magasueod nga NBA season, hasta sa 2025-2026 season, sa idaeom it Utah Jazz
Madumdumang si Clarkson hay ginboue it Jazz maghalin sa Cleveland Cavaliers ko 2019-2020 season.
Insigida imaw nga nagpakitang-gilas pag-abot nana sa Jazz ag nakuhit ro 2020-2021 NBA Sixth Man of the Year.
Sa bag-ong tapos nga season, imaw hay may average nga 20.8ppg, 4.0rpg, ag 4.4apg sa sueod it 61 games nga ananag ginhampang, kaibahan ro mga bagitong players it Utah.
Kat unang dag-on kara sa Utah, nakatao imaw it 18.4ppg, bilang bench player.
Sa makaron imaw hay 31 years old, ag nakahampang eon sa liga sa sueod it masobra sa siyam nga season.
