Kalibo Aklan ——Ginkasugtanan it plenaryo sa ginpatigayon nga regular session it Sangguniang Bayan it Kalibo nga imbitahon ro grupo it Federation of Kalibo Tricycle Operators and Drivers Association Incorporation (FOKTODAI) agud nga matalakay it husto ro andang ginaproponer nga mapataasan ro presenteng panueoktan sa pamasahe sa banwa it Kalibo.
Ginkasugtanan dugang it mga opisyales nga pulsuhan anay ro mga pamunuan it kada Barangay it nasambit nga asosasyon antes nga magbaeay it resolusyon kaangot sa andang hinyo.
Suno kay SB member Augosto Tolentino, sangka pag-eabag sa laye it LTFRB ro ginaproponer nga pagdoble sa pamasahe mas eabi eon makaron nga may pandemya.
Ro pwede eamang sigon nanda makaron nga mahimo hay maghinyo anay sa pasahero nga mataw-an sanda it konsiderasyon bangud nga daywang ka pasahero eamang ro pwede isakay sa tricycle.
Una kara, ginpaathag it mga tricycle operators and drivers nga bukon it bastante sa pang-adlaw adlaw nga kinahang-eanon it andang pamilya ro presenteng ginakita kon sa siin maskin ro mga nagapangunang baeak-eon hay uwa man naganaba ro presyo rason nga nagakaangay ag bagay man sigon ro andang hinyo nga pataasan ro pamasahe it mga pasahero makaron nga panyempo.
