KALIBO, Aklan—Ginpataasan sa P1.2 milyon ro grand prize sa sadsad contest it Kalibo Sto. Niño Ati-Atihan Festival 2025 .
Suno kay Mark Sy, head it barangay affairs it LGU-Kalibo nga raya hay gin-anunsyo ni Kalibo Mayor Juris Sucro sa ginpatigayon nga awarding ceremony ko Enero sa Magsaysay Park.
Magahalin suno kana sa kaugalingon nga boesa it alkalde ro igatau nga premyo.
Madumduman nga sa kauna-unahan nga kahigayunan sa kasaysayan it festival hay ginhimo nga sang milyong piso ro grand prize kun sa siin ro Vikings Tribe ro Buena mano nga nakabaton kara ko 2023.
Sa pihak nga parte, ginpasiguro ni Mark Sy nga nagatindog man nga event organizer it festival nga kon ano ka bongga ag makolor ro preparasuyon ag selebrasyon ko enero hay mas pa raya nga paga-doblehon sa 2025 nga selebrasyon.
Pila sa sigon sa paga-abangan hay ro fire works display .
Samtang, mas hugut nga seguridad ro igapatuman it mga awtoridad sa ati atihan festival 2025 bangud sa tiempo it eleksyon.
Ginbalik man sigon ro mga naging successful nga events sa dating selebrasyon pinaagi sa rekomendasyon it organizer nga Kalibo Ati-atihan Festival Board ukon KAFEB.
