KALIBO, Aklan – Saligan nga mas magabaskog pa ro intensity level it Toronto Raptors sa Game 5 it NBA Finals kontra sa Golden State Warriors nga pagahiwaton sa andang home court.
Sa interview it Bombo Radyo Kalibo kay Coach Rey Solano, sambilog sa mga coach ag sports analyst sa Aklan, ginhambae kara nga “lucky break” raya para sa Raptors eabi eon ay haeos injured ro main man it Warriors.
Suno kay Solano, nagapangibabaw sa makaron ro ‘desire’ it Raptors nga magdaog kumpara sa ‘experienced’ nga may una ro Warriors.
Dugang pa kara, makaron nga haeos mapasaalima eon nanda ro kampeonato, indi eon pagtugutan it Raptors nga maduea raya kanda.
Engkaso man nga maperdi it uman it Raptors ro Warriors sa Game 5, raya hay kauna-unahang kampeonato sa kasaysayan it andang prangkisa.
