KALIBO, Aklan—Kapin sa 24, 153 left out families ro nataw-an eon it Department of Social Welfare Development ukon DSWD it cash assistance sa idaeom it Social Amelioration Program ukon SAP it gobyerno sa bilog nga Western Visayas.
Suno kay DSWD region VI spokesperson May Castillo, raya hay katumbas it P144.9 milyon pesos kon sa siin kaeabanan kanda hay bukon it maeapit sa financial service provider.
Ginpahayag dugang ni Castillo nga sa bilog nga rehiyon hay haeos tanan nga LGU’s hay may left outs kon sa siin ro uwa pa maka-pay out hay igapaagi eon lang nanda sa digital payment pinaagi sa natungdan nga remittance center.
Kon may mga cellphone number sigon sanda nga nabutang sa forms nga ginfil-upan hay eauman nanda nga makabaton sanda it text messages halin sa natungdan nga remittance center ag ro mga uwa hay mismong LGU’s ro magapasayod kanda kon san-o ro pay-out schedule.
Sa mismong remittance center hay may naka-assign man nga miyembro it DSWD nga maga-asister sa mga benepisyaryo.
Sa probinsya it Aklan suno kay Castillo hay pitong ka banwa ro may left outs kaibahan eon kara ro banwa it Kalibo kon sa siin nakapay-out eon sigon sanda.
Sa makaron sigon hay ginatinguhaan it ahensya nga mairelease eon sa mga natungdan nga benepisyaryo ro nasambit nga financial assistance agud nga makabulig sa andang mga kinahang-eanon sa tunga it ginapangatubang nga krisis tuga it Covid-19 pandemic.
