Kapin sa 800,000 nga ektarya it eugta, gusto nga ipanupod it Marcos Administration sa mga mangunguma antes nga matapos ro anang termino 

Target it Department of Agrarian Reform (DAR) nga makapanupod it 800,000 nga ektarya it eugta sa mga mangunguma antes nga magtapos ro  termino ni Presidente Ferdinand “Bongbong” Marcos Jr. sa 2028.

Ginpahayag ni Sec. Conrado Estrella III nga para makaron nga 2024, naga-abot sa 100, 000 ektarya ro andang napanupod nga titulo it eugta kamana man ro certificates of condonation.

Magalibot si Pangueong Marcos Jr., sa masunod nga mga binuean agud nga magpanupod it mga eugta.

Kumpiyansa man ro sekretaryo nga masarangan nanda nga maabot ro target bangud madasig ro proseso sa pagtumod it mga kaeugtaan it gobyerno nga pwedeng ipanupod sa mga benepisyaryo.