KALIBO, Aklan—Handum it lokal nga gobyerno it kalibo nga makaangkon it manami nga paniempo ro pagahiwaton nga opening of lights sa maabot nga Disyembre 14.
Suno kay Jay-ar Arante, head it communication affairs it LGU-Kalibo nga haeos 90 porsyento eon nga tapos ro andang preparasyon kun sa siin pilang finishing touches eon lang ro ginahimo partikular sa pagpintura ag pagbutang it dekorasyon sa palibot it Kalibo pastrana park.
Mag-eowas nga gina abangan nga musical fireworks display ag bandang december avenue hay gina-bantayan man ro pag switch-on sa Christmas tree .
Antes ro Opening of Lights nga makabig nga big night hay may pagahiwaton sa Disyembre 13 nga 1st Mayor Juris Sucro Motor show ag sa Disyembre 15 hay ro Talent Night it Miss Gay Atiatihan Festival 2024 sa Kalibo Pastrana Park.
Pagabuksan man ro Food Festival sa nasambit nga lugar kun sa siin may mga local bands nga maga tukar.
Sa oras nga mabuksan ro giant Christmas tree , ro Kalibo Pastrana Park hay maga transform sa wonderland of lights.
