-- ADVERTISEMENT --
Kalibo Aklan —-Kapin sa limang ka mga menor de edad ro gin- aresto it mga katapo it kapulisan matapos nga magbayolar sa ginapatuman nga curfew hour.
Naaktuhan it mga katapo it Kalibo PNP ro mga raya nga padayun nga naga-winarang sakay it andang motorsiklo sa oras it curfew sa kahabaon it Brgy. Tigayon, Kalibo.
Maskin nga ginpaidaeom eon sa Modified General Community Quarantine (MGCQ) ro bilog nga probinsya it Aklan hay nagapabilin pa gihapon ro pilang polisiya nga nauna eon nga ginpatuman it gobyerno.
Sambilog eon kara ro curfew hour nga naga-umpisa it alas 9:00 it gabi-i hasta it alas 5:00 it aga-aga.
Angot kara, iga-turn-over man it pulisya sa andang mga natungdan nga Barangay ro limang mga menor-de-edad para sa nagakaigo nga disposisyon.
-- ADVERTISEMENT --
