Matapos gastusan ro magarbong kasae pati eon ro honeymoon apang owa sa gihapon it unga .
Makaron hay nagasukot eon ro mga ginikanan.
Matau it apo ukon mabayad it haeos $650,000 dollars.
Raya ro kondisyon it sangka mag-asawa sa India matapos nanda nga ireklamo sa korte ro andang kaugalingon nga unga nga gingastusan nanda ro pagtuon, pati eon ro magarbong kasae .
Suno sa mag-asawang Sanjeev ag Sadhana Prasad, naubos eon ro andang tinipon sa pagpabahoe ag pagpa-eskwela sa andang unga nga eaeaki .
Sa ginpasaka nga petisyon, ginhambae it mag-asawa nga gingastusan sigon nanda ro anang kasae pati ro honeymoon apang 6 nga dag-on eon ro nagtaliwan hay owa gihapon sanda it plano nga magka-unga .
Bilang kompensasyon, nagpangayo ro mag-asawa sa andang unga it 50 million rupees.
Ginastusan man sigon it mag-asawa ro pagtu-on sa Amerika it andang unga agud nga maging piloto.
Apang nagbalik raya sa India nga owa it trabaho.
Ginpahayag it andang abogado nga si Arvind Kumar nga pagapamatian sa korte ro petisyon sa Mayo 17.
Kilaea ro India nga may strong family system. // Rason nga may mga magpamilya nga magkaibahan sa sangka baeay.
Apang sa nagtaliwan nga mga dinag-on, nakaangkon eon man sigon it pagbag-o sa nasambit nga tradisyon .
Kapareho sa raya nga kaso nga mas ginapili it mga unga nga magbueag sa mga ginikanan kaysa nga magbilog eagi it kaugalingon nga pamilya .
