KALIBO, Aklan — Dismayado ro National Union of Students of the Philippines matapos nga sambilog ro mandatory Reserve Officer Training Corps ukon ROTC sa incoming college ro prayoridad nga maipasa it Legislative Executive Development Advisory Council ukon LEDAC sa ginpatigayon nga council meeting.
Suno kay Ms. Jandiel Roperos nga uwa natyempo nga mataw-an it prayoridad ro nasambit nga proposisyon eabi eon nga nagapangatubang sa krisis ro nasyon.
Raya hay matapos nga dugang nga paeas-anon it mga ginikanan ro gastos sa uniporme it mga estudyante nga magapaidaeom sa nasambit nga training.
Mabahoe sigon nga pondo ro pagakinahang-eanon it gobyerno agud nga matigayon ro programa.
Imbes nga iinsister raya nga programa hay taw-an eon lang it prayoridad ro mas eubus nga kinahang-ean it publiko ag taw-an it solusyon ro mga ginapangatubang it mga pumueoyo partikular ro sigidas nga pagtinaas it mga baeak-eon, matrikula ag maabong iba pa.
