Naghimo it ob-eag protesta ro mga medical practitioners ag mga kababayihan sa New Delhi,India kahapon nga sabado. Raya hay kasunod sa ginhimo nga pagpatay matapos ginhimuslan to sangka 31-year old trainee doctor.
Nasapwan nga duguan ag uwa eot kabuhi ro babayeng doktor sa state-run R.G. Kar Medical College and Hospital sa West Bengal State sa India. Base sa ginhimo nga otopsiya, positibong ginhimuslan to biktima ag brutal nga pinatay.
Samtang, ro protesta hay ginpangunahan it Indian Medical Association (IMA). Panawagan it asosasyon kay Indian Prime Minister Narendra Modi ro hustisya sa namatay nga doktor ag siguraduhon ro seguridad it mga medical practitioners.
Base sa pahayag it IPM uwa it maayos nga pahuwayan it mga doktor sa nasambit ospital rason nga tyempo eon para tutukan ro nasambit nga isyu.
Insigida man nga naghiwat it 24 hrs shutdown ro mga doktor sa tanan nga ospital para magtibyog sa andang ginahimo nga protesta.
Padayon ro pagtaas it mga numero mga kaso it rape ag sexual assault sa India nga nangin kabangdanan it eapnaag nga pagpangayo it hustisya it mga kababayihan sa nasambit nga nasyon.
