KALIBO, Aklan—Ginbawi eon it lokal nga gobyerno it Aklan ro state of calamity nga dating ginpatuman sa bilog nga probinsiya bangud sa epekto it grabeng tigmaeaea tuga it pagpanaeasa it El Niño phenomenon.
Sa ginpatigayon nga regular session it sangguniang panlalawigan, insigidang gin aprubahan ro urgent request ni Gov. Joen Miraflores nga magpasa it resolusyon nga nagabawi sa deklarasyon.
Base sa datos it Office of the Provincial Agriculture, umpisa Agosto 2023 hasta Mayo 31, 2024, nag-abot eon sa P142 milyon ro balor it kahalitan sa mga pananum ag paeangisdaan halin sa 17 nga banwa sa Aklan.
Mabahoe nga apektado kara ro mga pananum nga paeay nga nakalista it kahalitan nga P80 milyon nga ginsundan it mga high value crops partikular ro mga tinuean-on ag prutas nga may damages nga P42 milyon; kamaisan nga P8 milyon; livestock and poultry nga P6 milyon ag may una man sa paeangisdaan.
