KALIBO, Aklan — Hugut nga ginasunod it pamunuan it mga hotels sa banwa it Kalibo ro angot sa pagbawae sa mga menor de edad nga magsueod ukon mag check-in sa Valentine’s day.
Suno kay Melanie Bana, staff it C-9 hotel sa banwa it Kalibo nga may andang ginapatuman nga regulasyon ag hugut ro andang pagbantay agud nga malikawan nga makasueod ro mga menor de edad kadungan it selebrasyon sa Pebrero 14.
Gina-usuyan sigon nanda it IDs ro mga nagasueod nga ginadudahan nga mga minors agud nga masiguro nga sa tamang edad ro maga check-in .
Base suno kana sa andang eksperyensiya kada Valentine’s day, mas maabu ro walk-in kaysa sa nagapa-book.
Sa makaron hay may andang mga promo ukon pakulo sa nasambit nga okasyon kun sa siin nagatau sanda it libreng bueak , balloon ukon chocolates sa kada kwarto nga gina okupahan.
Ro andang room rate makaron nga may electric fan without TV para sa overnight hay naga-range sa P600; ro aircon without TV hay P900 ag ro aircon with TV hay P1,000.
Ro check-in time sigon kara hay alas-2:00 it hapon hasta alas-12:00 it udtro adlaw it masunod nga adlaw.
Dugang pa ni Bana nga ginapasugtan man nanda ro short time nga 3 hours nga naga-average sa P400 hasta P600 ro room rate.
Ro C9 hotel hay may 23 nga mga rooms.
