KALIBO, Aklan—Plantsado eon ro mga preparasyon para sa nagahilapit nga 2025 Kalibo Sto. Niño Ati Atihan Festival.
Suno kay Mark Sy, head it barangay affairs it lokal nga gobyerno it Kalibo nga kumpara ko nagtaliwan nga selebrasyon hay mas pa nga ginpa bongga makaron nga 2025 partikular sa mga premyo nga igatau , mga dinapit nga bisita ag iba pa .
Dugang pa nga eauman ro mas manami nga mga costume it mga tribu ag grupo nga magapasakop sa Sadsad Ati-Atihan contest bangud nga mag-eowas sa ginpataasan nga mga subsidy hay gindugangan pa ro mga premyo .
Tuyo kara nga maka-engganyo it dugang nga mga turista ag bisita bangud nga ro Kalibo Sadsad Ati-Atihan contest hay sambilog sa gina-abangan it tanan nga event nga naka schedule sa enero 18, 2025 nga magapasundayag sa mga nagapangunang karsadahon sa banwa it Kalibo.
Dugang pa it opisyal nga ginatinguhaan nanda nga mas maging masadya, bongga ag makolor ro selebrasyon .
Sa pihak nga parte, sa unang pagpatigayon it hala bira nights sa Magsaysay park sa January 13 , magiging dinapit nga bisita kara ro bandang sweet notes.
