KALIBO, Aklan — Ginpaathag it pamunuan it Metro Kalibo Water District (MKWD) nga bangud sa ginpatigayon nga transmission line flashing partikular sa banwa it Kalibo rason nga naka-eksperyensiya ro pilang mga member-consumers it maeubog ukon mahigku nga tubi nga nagaguwa sa andang mga gripo.
Suno kay Frederick Buenavidez, spokesman it MKWD nga antes ro ginpatigayon nga aktibidad hay nagpaguwa sanda it abiso sa publiko.
Natural eamang suno kana ro pagguwa it malabo nga tubi halin sa gripo bangud sa ginhimo nga paglimpyo halin sa andang pumping station, ro pinaka-source it water supply hasta sa mga nagapangunang linya.
Raya hay nag-umpisa ko Hulyo 16 hasta 19 kun sa siin apektado ro pilang barangay sa banwa it Kalibo partikular sa Andagao ag New Buswang.
Samtang, ginklaru ni Buenavidez nga ro gina-supply nga tubi it MKWD hay pasado sa requirement it Department of Health eabi eon sa Philippine National Standards for Drinking Water ag masarangan sa boesa.
Sa pihak kara, gina engganyo gihapon nana ro tanan nga may reklamo nga naka-eksperyensiya it madueaw ag mahigku nga tubi nga nagaguwa sa gripo nga magreport kanda agud nga ma-imbestigahan .
