Padayon ro pagbalewala it dambuhalang barko it China sa panawagan it Pilipinas nga aywan ro katubian it Pilipinas.
Sa ika-13 adlaw it operasyon it Philippine Coast Guard sa may katubian maeapit sa Zambales, ginpakigbahin ni PCG spokesperson for the West Philippine Sea Commodore Jay Tarriela ku gabei it Miyerkules nga aktibong ginkompronta it BRP Gabriela Silang ro iligal nga deployment it China Coast Guard vessel 5901 o monster ship sa sueod it exclusive economic zone (EEZ) it Pilipinas.
Suno kana madinaeag-on nga nasiguro it mga mga personnel it PCG vessel nga mapabilin sa eayo nga 70 nautical miles ro dambuhalang barko halin sa baybayon it Zambales.
Sa bahin man it CCG vessel, nag-isyu raya it radio challenge sa BRP Gabriela Silang ag ginpamilit ro jurisdiction award sigon sa People’s Republic of China.
Ginsabat man raya it personnel sakay it BRP Gabriela Silang sa paagi it radio challenge ag gin-abisuhan ro monster ship nga sa sueod it EEZ it PH, ginabuebanta nga una sa 60.01 nautical miles (NM) nakatungdan it Capones Island, Zambales.
Angot kara, ginpamilit it PCG nga indi kara matinag ro misyon kara nga proteksyunan ro maritime interest it nasyon ag palig-unon ro soberaniya, sovereign rights ag maritime jurisdiction sa West Philippine Sea.
