NATIONAL News — Nagdihon si Senator Nancy Binay makaron nga adlaw it Lunes it ethics complaint kontra kay Senator Alan Peter Cayetano angot sa pahayag kara kana sa mainit nanda nga diskusyon sa kasagsagan it imbestigasyon ko nagtaliwan nga domingo sa bag-ong Senate building.
Sa nasambit nga hearing, gintawag ni Cayetano si Binay nga “marites,” ibang termino it mga Pilipino sa nagapakalhit it “chismis,” ag gin-akusahan raya it pagpang-gulo sa Senate hearing.
Mandato it Senate Committee on Ethics and Privileges nga talakayon ro mga isyu nga may kaangtanan sa pagbinatasan, kinamatarung, pribilehiyo, dignidad, integridad, ag reputasyon it Senado ag mga miyembro kara.
Ginlunsar ni Cayetano ro imbestigasyon sa bag-ong Senate building matapos ginmandu ni Senate President Francis “Chiz” Escudero nga rebyuhon ro kantidad it konstruksyon kara, kun sa siin ginmitlang nga naga-abot ro pondo sa P23 bilyon.
Ginpamalibaran ni Binay nga umabot eon ro kantidad it konstruksyon sa P23 bilyon ag gin-insister nga P21 bilyon eamang.
Ginpaathag man ni Cayetano nga sakop it kantidad it P23 bilyon ro P1.6 bilyong ginastos para sa pagbakae it eugta.
Sa makaron hay owa pa it reaksyon ro opisina ni Cayetano angot sa reklamo ni Binay.
