KALIBO, Aklan—Gusto eamang nga makabulig ag makapukaw it awareness.
Raya ro pinaka-intensyon it sangka 14 anyos nga netizen rason nga ginbuligan ro limang dag-on nga unga nga babaye ag gin-post sa social media ro natabu kana.
Suno kay Rey Ann rReposar it Riverside, Purok 3, Brgy. Bulwang, Numancia nga bangud sa kaeo-oy sa unga nga nagatinangis ag nagakurog ro mga alima sa sobrang koeba rason nga ginsapopo nana raya ag gindaea sa andang baeay.
Matapos nga mabo-oe ro pilang impormasyon ag kon ano ro matuod-tuod nga natabu kana hay ginhatud it anang ina ro unga sa anang lola.
Nagpaabot man raya it mensahe sa mga ginikanan nga istoryahon eamang sa mayad nga pamaagi ro mga unga nga nagkasaea agud nga indi ma-trauma.
Maskin sigon nga unga pa hay may kaugalingon raya nga pag-intindi sa sitwasyon rason nga kon i-explain kanda it mayad ro natabu hay maintindihan man nanda raya.
