KALIBO, Aklan—Ginklaro it Office of Provincial Veterinarian (OPVET)- Aklan nga padayun ro andang ginahimo nga monitoring ag inspeksyon agud mapabilin nga euwas sa African swine fever ukon ASF ro bilog nga probinsya it Aklan.
Suno kay Dr. Joseph Lachica, Veterinarian II it (OPVET) Aklan nga sa pihak it ginapatuman nga community quarantine, hugot ro pagbantay it ASF Task Force sa pilang ka mga boarder ag ports pasueod sa probinsya.
Nakipagbuylog man sigon sanda sa Inter-agency task force on emerging infectious disease ukon IATF against COVID -19.
Hugot man nga ginabawaean ro pagpasueod it produktong baboy ag unprocessed food maghalin sa mga ASF affected areas partikular sa luzon ag Mindanao.
Samtang, aminado man si Dr. Lachica nga indi eun nanda ma-monitor it mayad ro mga online seller nga nagabaligya it karne.
Apang, gina-hingyo gid sigon nanda ro tanan nga indi eun pagdugangan pa ro problema makarun nga tyempo it krisis bangud sa paeag it COVID-19.
Mas mayad suno pa kana nga magbakae eamang it karne sa mga ASF Free nga lugar ukon owa gid nakalista it kaso it nasambitan nga sakit.
