BUSINESS News–Nadiskubre it Commission on Audit (COA) nga napas-eawan ro Social Security System (SSS) nga makolekta ro kapin sa P92 billion premium contributions halin sa mga delinquent employers ko nagtaliwan nga dag-on.
Sa latest report sa state-run insurance program, nasayuran it COA nga owa pa nakaremit ro kapin sa 466,881 employers it andang kontribusyon nga nagakahaeaga it bilyun bilyon.
Nagaguwa sa records nga 90.63% it bilyong haega ro owa pa nakolekta sa sueod it masobra limang dag-on.
Suno sa state auditors, ro manabang koleksiyon nga less than 3% it established collectibles para sa 2022 hay nagdeprive sa ginakinahang-ean nga pondo it SSS para sa insigidang pagtao it social security protection, claims ag mga benepisyo para sa mga miyembro ag benepisyaryo kara.
Angot kara, gin-insister it COA nga indi dapat maapektuhan ro kinamatarong it mga miyembro nga makabaton it andang mga benepisyo halin sa SSS bangud sa kapas-eawan kara nga makolekta ro mga kontribusyon halin sa delinquent employers.
