KALIBO, Aklan—Owa eon nagtambong si dating Kalibo mayor Emerson Lachica sa ginpatigayon nga pag-turn-over it responsibilidad sa bag-ong pungko nga alkalde nga si Juris Bautista Sucro.
Nauna kara, ginpahaum it transition team ni Lachica ro mga dokumento it nagkaeain-eain nga department heads para sa pormal nga pagturn-over sa bag-ong administrasyon.
Kaibahan sa seremonya ro ka-tandem ni Sucro nga si Kalibo vice mayor Cynthia Dela Cruz ag iba pang mga sangguniang bayan members ag empleyado it munisipyo eabi eon ro mga department heads.
Kaina it alas-12 it udtro adlaw, Hunyo 30 hay pormal eon nga nagpungo sa pwesto si Kalibo mayor Juris Sucro.
Ko nagtaliwan nga adlaw it martes hay ginpatigayon ro oath taking rites it mga bag-ong opisyal it Kalibo.
Sa pihak nga parte, hugut nga seguridad ro ginpatigayon sa palibot it munisipyo para sa nasambit nga aktibidad.
