Uwa eon nadugangan ro 19 nga mga namatay bangud mga pag-uean it yelo sa California, USA.
Suno kay Bombo International Correspondent Greg Aguilar, nakabalik eon sa tagsa nanda ka panimaeay ro mga nagbakwit kasunod it pagkasamad it andang mga baeay tuga it pagbuhos it yelo.
Mag-eowas kara, nagnaba it husto ro temperatura nga nagpakabudlay sa mga tawo.
Apang, sa makaron suno kana hay maayos eon ro weather condition kon sa siin nahimo eon it mga residente nga maayos ro mga nasamad nanda nga baeay ag nahimos eon ro mga nagkaeatumba nga punong kahoy.
Sa pihak kara, maabo gihapon ro nailistang kasamaran sa andang mga propyedad nga ginakaeakipan it mga saeakyan.
Pasaeamat sigon sanda nga nagnami eon ro tyempo makaron sa andang lugar ag nakahueag eon ro mga tawo para magtrabaho it husto
