KALIBO, Aklan–Ginaeauman nga magapadayun pa ro pag-welga it mga nurse sa daywang mabahoe nga ospital sa New York City.
Raya hay kasunod it isyu angot sa pasweldo ag understaffing.
Suno kay Bombo International Correspondent Greg Aguilar it California, USA nga ro nasaksihan nga labor action ko adlaw it Lunes nga ginakaeakipan it masobra 7,000 nurses hay nagarepresenta sa pinakamabahoe nga nursing strike sa nagtaliwan nga mga dekada sa nasambit nga estado.
Ro problema angot sa understaffing sa mga ospital hay mabuhay eon nga ginapangatubang.
Ginapahayag nga magabalik eamang ro mga nurses kung magpasugot ro mga ospital nga makaangkon it improvement sa working conditions.
Agud nga magpadayun ro operasyon, ro Mount Sinai ag Montefiore Medical Center hay nagdaea it temporary staff.
