Nagpueong ro kampo ni presumptive president Ferdinand Bongbong Marcos Jr. kahapon, Mayo 11 para sa pagabilugon nga transition team may kaangtanan sa pagpahaum sa idaeom it anang administrasyon.
Suno kay Atty. Vic Rodriguez , spokesperson ni presumptive President Ferdinand Bongbong Marcos Jr. nga may mga naisip eon si Marcos nga maging parte it anang Gabinete apang indi anay sigon nana raya nga pagapangunahan bangud kakatapos eang it ginpatigayon ga eleksyon ku nagtaliwan nga Lunes.
Ginklaro man it tagapaghambae ni Marcos Jr., nga sa makaron hay padayon sa gihapon ro andang paghueat sa opisyal nga mangin resulta it eleksyon.
Suno pa kay Rodriguez, pagahueaton nanda ro Mayo 23 para sa opisyal nga paghuyap it mga vote counts para sa iga-ilihir nga pangueo ag ikaywang pangueo it nasyon ag naga-eaum nga maga-ideklara it mas timprano bangud nagapabilin nga nagapanguna si Marcos sa presidential race kung siin kapin sa 31 million Pilipino ro mga bumoto para sa Marcos-Duterte tandem sandig sa partial and unofficial results.
