Gin-alerto it oil industry players ro publiko nga posibleng makaangkon eon man it mabahuean nga pagtaas sa presyo it produktong petrolyo sa maabot nga Martes, Abril 7.
Base raya sa unang ap-at nga adlaw it trading nga nagpakita it pabag-o bag-ong hueag apang presenteng una sa uptrend gihapon kaparehas it mga nakataliwan nga dominggo.
Suno sa early estimate, posibleng magtaas it kapin sa P6.20 kada litro ro gasolina, P20.00 kada litro ro diesel, ag P13.00 kada litro ro kerosene, kon sa siin nagapabilin nga kaibahan sa presyo ro Excise Tax ag Risk Premium.
Ginpadumdom it observers nga ro presyo hay pwede pang magbag-o depende sa hueag it world market trend.
Apang, kon magpadayon ro presenteng direksyon it trading, ginaeauman nga mabatyagan it mga motorista ag negosyante ro kabug-at it dugang nga presyo sa masunod nga dominggo.
