Nangin maayos ro imbukada it Agusto 3 para sa mga Pilipino sa Paris Olympics matapos nga nagdaog si Nesthy Petecio kuntra kay Amina Zidani it France sa round-of-16 sa women’s 57kg weight class sa boxing.
Sueod eon makaron sa quarterfinals ro Pinoy pride nga Tokyo Olympics silver medalist ag temporaryong magapangibabaw pa gid sa masunod nga round.
Apang, baeantayan makarang Sabado 9:30 makaron nga gabie ro potensyal medalist it Pilipinas nga si Carlos Edriel Yulo. Finals eon raya it Men’s Floor Exercise nga sambilog man sa pet exercise ukon forte it Pinoy pride.
9:46 man makaron nga gabie, magasaka it uman ro Tokyo Olympics silver medalist nga si Carlo Paalam para sa quarterfinals it men’s -57kg division.
Matandaan nga nag-abante si Paalam sa quarterfinals matapos gin-eotus ro Irish fighter nga si Jude Gallagher sa Round of 16, ag para sa dugang nga detalye subaybayan eamang ro among madason nga mga balita.
