Nakalista sigon it 18,485 outbound ag inbound nga 18,000 nga numero it pasahero ro Philippine Coast Guard Aklan nga halin sa Batangas ag Mindoro paadto it Boracay ag vice versa.
Raya ro pahayag ni Coast Guard Senior Chief Petty Officer Dominador Salvino – Deputy for Operations sa Aklan.
Naekspektar man sigon nanda nga bangud sa patapos eun ro holiday season hay magasangkiri eun man ro mga pasahero.
Pagsabat man ni Salvino nga uwa man nagkueang sa mga sakayang pandagat ag naakomodar man ro tanan nga pasahero.
Maabo man nga interagency task management team para nga masiguro ro seguridad ku mga pasahero, ro floating assests sigon hay may mga nakadeploy ag makita ro presensiya.
Uwa man it mga iilegal nga mga bagay nga hakumpiska ro PCG Aklan.
Pagsiguro nana nga manami man ro paghimo nanda ku andang trabaho sa pagsug-aeaw it bag-ong dag-on.
Nagstrikto man sanda sa overloading ku nmga barko agud indi magresulta sa aksidente.
Mensahe ni Salbino sa tanan nga pasahero, turista ukon bisita nga magpamatyag ag maging aware sa mga dapat ag indi dapat daehon, ag mamati sa mga advisories sa mga pantalan.
