Ginpangunahan it Pilipinas, sa pinaagi it Department of Finance (DOF) ag Bangko Sentral ng Pilipinas (BSP), ro pueong it ASEAN Finance and Central Bank Deputies’ Meeting – Working Group (AFCDM-WG) agud iduso ro mas mabaskog nga integrasyong pinansyal sa Southeast Asia.
Ginpunto ni DOF Undersecretary Joven Balbosa nga ro nagapangunang katuyuan it nasyon hay masiguro nga ro mga regional cooperation hay magabunga it konkretong benepisyo para sa mga negosyo, kapitalista, ag kada pumueoyong ASEAN.
Ro mga nagapangunang prayoridad sa nasambit nga pueong hay ro cross-border payments nga tuyong magpadasig ag magpabarato it mga transaksyong pinansyal sa tunga it mga nasyon; pagpaeapad it access sa mga serbisyong pinansyal para sa mas maabong tawo ag pagpalig-on sa ikasarang it rehiyon nga mag-atubang sa mga krisis pang-ekonomiya, pagpaumwad it merkado agud suportahan ro mga investment ag pangmabuhayang pag-umwad.
Bilang co-chair, kabulug man sa pagdumaea si BSP Managing Director Thomas Benjamin Marcelo agud iduso ro mga aksyong magapabaskog sa polisiya ag kooperasyon it mga ekonomiya sa ASEAN.
Ro mga nakasugtanan sa Bohol hay igapataas sa ASEAN Finance and Central Bank Deputies’ and Governors’ Meetings sa ulihing parte it dag-on bilang kaparte it pagbilog it mas inklusibo ag malig-on nga ASEAN Economic Community (AEC) matapos ro 2026.
