-- ADVERTISEMENT --
KALIBO, Aklan–Nag-angkon it kasakitan sa pilang parte it kaeawasan ro sangka 18-anyos nga daeaga matapos nga masaeawig it saeakyan sa Brgy. Sipac, Malinao.
Base sa report, nakilaea ro biktima nga si Jessa Francisco, residente it nasambit nga lugar.
Ginapahayag nga samtang nagapanikangon sa kilid it karsada para mag-usoy it signal it cellphone ro biktima hay gulpi eamang imaw nga nasaeawig it nag-agi nga behikulo.
Ro insidente hay nagresulta sa pagka-igpit it tuo nga siki it biktima ag pag-angkon it mga gas-gas sa eawas.
Gilayon man nga gindaea it driver it saeakyan ro biktima sa Aklan Provincial Hospital kung siin imaw presenteng nagapabueong.
-- ADVERTISEMENT --
