Kalibo, Aklan-Dead on arrival sa Aklan provincial hospital ro sangka 37-anyos nga eaeaki matapos nga maeomos sa Lambingan Beach nga sakop it Brgy. Pook, Kalibo.
Ginkilaea ro biktimang si Manuel Ricamonte Rustica ag residnete it Brgy. Toralba sa banwa it Banga.
Sa inisyal nga imbestigasyon it Kalibo Municipal Police Station, ginsampit eon ro biktima it anang mga kaibahan nga mauli apang nagpabilin raya it makadali agud nga magpaligos.
Makataliwan ro pilang minutos hay uwa eon imaw kita-a it anang mga kaibahan hasta sa nataeopangdan eon lang raya nga nagahamyangon nga uwa it alintro.
Gilayon nga ginrespondehan it Kalibo Municipal Disaster Risk Reduction Management Office emergency personnel ro biktima ag insigidang gindaea sa ospital.
Apang, uwa eon raya nakaabot pa it buhi sa baeay paboengan sandig man deklarasyon it attending physician.
Nasayuran nga una sa idaeom it impluwensya it aeak ro biktima kat matabo ro insidente.
