Kalibo Aklan ——-Arestado ro sangka eaeaki matapos ro ginpatigayon nga drug buy bust operation it gintingub nga pwersa it Kalibo PNP ag Philippine Drug Enforcement Unit (PDEU-Aklan) sa diversion road, Brgy. Tigayon Kalibo.
Naaresto it mga otoridad ro suspek nga si Anthony Fernando, sa legal nga edad ag residente it Brgy. Poblacion, New Washington.
Narekober sa posisyon it suspek ro sangka sachet it illegal nga droga kamana man sangka sachet it ginapatihan nga shabu kabaylo it 2,000 pesos nga marked money.
Samtang, sa interbyu it Bombo Radyo, hugot nga ginpamalibaran it suspek ro nasambitan nga alegasyon.
Suno kana nga magabisita eamang kungta imaw sa anang amigo sa nga naga-istar sa nasambit nga lugar agud mag-utang kungta it kwarta kat gulpi eamang nga nagpatigayon it operasyon ro mga otoridad.
Owa eun man raya nagtao pa it dugang komento angot sa hitabo.
Nasayuran nga ro suspek hay nagatrabaho bilang delivery boy it pagkaon sa banwa it Kalibo.
