Gindayaw ni Speaker Ferdinand Martin Romualdez ro pagpirma sa Reciprocal Access Agreement (RAA) sa tunga it Pilipinas ag Japan kon sa siin ginhambae nana nga sangka “crucial moment ” raya para sa enhanced defense cooperation sa tunga it mga hangkat nga ginapangatubang sa rehiyon.
Ginpahayag ni Romualdez nga ro landmark it kasugtanan hay nagapasugot sa ginpaeapad nga partisipasyon it mga Japanese forces sa joint military exercises kaparehas it “Balikatan” sa tunga it Pilipinas ag Estados Unidos ag nagamarka it sangka mapinuslanong tikang paduso sa mga pagtinguha sa panseguridad sa rehiyon.
Gin-insister dugang nga ro Reciprocal Access Agreement sa pagpamayad it mga ikasarang sa pagdepensa sa kada isaea sa pagpalig-on it mas madaeom nga estratehikong kaangtanan sa tunga it Maynila ag Tokyo.
Suno pa kana nga kaparte raya sa promisa agud mapabilin ro regional stability ag security, pagpabaskog sa aton nga defense capabilities ag uman nga pagpalig-on sa strategic partnership it Pilipinas ag Japan.
