KALIBO, Aklan—Nagpanawagan man ro St. John the Baptist Cathedral sa mga pumueuyu ag komunidad nga magpatigayon it pagpangamuyo para kay Pope Francis.
Raya hay matapos nga padayun nga naka-confine sa ospital ro 88-anyos nga Santo Papa bangud sa bilateral pneumonia.
Haeos an-om nga adlaw eon ro nagtaliwan kat gindaea sa Gemelli hospital sa Rome, Italy ro Santo Papa para sa pilang eksaminasyon ag pagbueong bangud sa bronchitis, apang na-diagnose ko ulihi it double pneumonia.
Suno kay Fr. John Jerome Velarde it St. John the Baptist Cathedral nga kaibahan sa pwedeng obrahon hay mag-ililiba para sa pagpatigayon it pangamuyo nga nagahinyu sa pagmayad it may sakit kun sa siin pwedeng maghaead it pangamuyo para kay Pope Francis.
Gin engganyo man ni Fr. Velarde ro tanan nga i-eakip ro Santo Papa sa personal ag pampamilyang pangamuyo.
Nakadepende eon sigon sa pagbu-ot it Diyos kon ano ro posibleng matabu sa Santo Papa.
