Sangka pahayag it United Nations Human Rights Office ro hugot nga nagkondena sa mga pag-atake it Israel sa mga ospital sa Gaza.
Eubus nga naapektuhan ro sistema it kamayad nga eawas sa Gaza ag nagtuga it seryosong pagduda sa pagsunod it Israel sa pangkalibutanong laye.
Ro maeapangong hostilidad sa Gaza halin kat umatake ro Hamas sa Israel ko Oktubre 7, 2023 hay daeayon nga sumamad sa lokal nga serbisyong pang ikamayad nga eawas.
Ginpaandaman it United Nation ro sistematikong pag-abuso sa mga tawhanong kinamatarong kontra sa mga sibilyan hay pwedeng kabigon nga crimes against humanity.
Suno sa United Nation, ro hungod nga pag-atake sa mga ospital ag pasilidad para sa mga may sakit ag naninahan hay pwedeng kabigon nga war crimes.
Ginpamalibaran it Israel ro mga alegasyon ag ginpahayag nga nagpatuman sanda it mga tikang agud mabuhinan ro halit sa mga sibilyan, kaibahan ro pagtao it bulig, evacuation routes ag pagpatindog it field hospitals.
