Pormal nga gin-anunsiyo ni US President Joe Biden nga inde eon imaw uman nga magpailihir sa pagkapresidente sa maabot nga eleksyon sa Nobyembre.
Sa ginpakigbahin kara nga sueat hay maskin gustuhon man nana nga magpailihir it uman hay ginakonsidera kara ro hinyo it anang partido nga inde eon magpadayon.
Dugang pa kara nga ana eon lang nga pagatutukan ro anang pagka-presidente sa nabilin nga tyempo it anang termino.
Nakataeana man imaw nga magdiskurso sa mga masunod nga inadlaw angot sa nasambit nga desisyon.
Madumduman nga masobra sa 30 ka mga Democrats nga anang kaalyado ro nagpanawagan kay Biden nga inde eon lang raya magpadayon nga pagpadaeagan sa pagkapresidente bangud sa ginadumdom nanda ro anang ikamayad nga eawas.
Anang gin-endorso si Vice President Kamala Harris agud nga engkwentruhon si dating US President Donald Trump sa nasambit nga eleksyon.
Samtang sa pihak nga parte, ginbaliwala eamang ni Trump ro naging desisyon ni Biden sa baylo ginpahayag kara nga mayad eon lang ag nag-atras si Biden bangud nga imaw sigon ro pinakamaeain nga presidente sa kasaysayan it Estados Unidos.
